ఆకలి తీర్చే మెతుకులు

చేజాచనీయని ఖర్చులు

సేదదీర్చెడి ఆరడుగులు

బ్రతుకున పసిడి గనులే..!

#రాఖీ రవ్వలు

పరిమళ పూవనం

ప్రజ్వల హవనం

ప్రకటిత జీవనం

అవిరళ కవనం..!

#రాఖీ రవ్వలు

ఆర్టీసి బలి'సీ

ఆడపిల్ల మసీ

వెరసి కసి

కాలంతో రంగెలిసి..!

#రాఖీ రవ్వ

కరిగించే మా కండబలం

మా కార్చిన ఘర్మజలం

ప్రపంచైక్య కార్మికులం

మేడే లాల్ సలాం..!

#రాఖీ రవ్వలు

బ్రాందీ షాపుకీ

గాంధీ పేరే

జాతిపిత కదా

పితృభక్తి..!!

#రాఖీ రవ్వలు

గరాటు ఏకోన్ముఖ సూచీ..

తరాజు వ్యక్తిత్వాన్ని తూచీ..

పట్టకం దృక్కోణం విస్తృత పరచీ

కాదేదీ బోధ కనర్హం..!

#రాఖీ రవ్వలు

రోజుకో మొహం

అద్దంలో చూడగ

ఊసరవెల్లిగ..

నేనూ మనిషినే..!

#రాఖీ రవ్వలు

మనసు మించని మతం

గడప దాటని కులం

మానవతకే హితం

విశ్వప్రేమ మహితం

#రాఖీ రవ్వలు

ఓ సీత

ఓ భూమాత

ఇంట్లోనే 

సహనశీలి ఇల్లాలు!

#రాఖీ  రవ్వలు

కన్నవారి సంస్మరణ

స్మృతి శాశ్వతీకరణ

సముచిత వితరణ

పురస్కార బహుకరణ..!

#రాఖీ రవ్వలు

వాహ్ఁ.,

మనం

మనవామన కవనం

రూపుకొంచం భావన ఘనం..!

#రాఖీ రవ్వలు

ఓంకారం జగతికి

శ్రీకారం ప్రగతికి

ప్రాకారం ప్రకృతికి

నమస్కృతి గణపతికి..!!

#రాఖీ రవ్వలు

పరిమళ పూవనం

ప్రజ్వల హవనం

ప్రకటిత జీవనం

అవిరళ కవనం..!

#రాఖీ రవ్వలు

కురిసే వర్షం

మెరిసే కిరణం

హరివిల్లు ఆవిష్కరణం..

ప్రకృతి చిత్రమే..!

#రాఖీ రవ్వలు

ఆదరిస్తే అమ్మలు

ప్రదర్శిస్తే బొమ్మలు

పద్ధతికి పట్టుగొమ్మలు

భారతీయ పడతులు..!

#రాఖీ రవ్వలు

ఇదా జీవితం.!

ఇదీ జీవితం.,

ఇదో జీవితం?!

ఇదే జీవితం..!!

#రాఖీ రవ్వలు

మట్టి అక్షరాలు

మలిస్తే శిల్పాలు

ఏమరిస్తే శిథిలాలు

నైపుణ్యం సాంతం..!

#రాఖీ రవ్వలు

చీరను పట్టిచూడు

కుండను కొట్టిచూడు

గుండెను తట్టిచూడు

గీటురాళ్ళే అన్నీ..!

#రాఖీ రవ్వలు

తెలిసి వస్తే

తెలివి వస్తే

తెరలుతొలిగితే

ఉగ్రవాద విరోధం..!

#రాఖీ రవ్వలు*

ప్రతిభ గుర్తింపు

ప్రావీణ్యతా ప్రశంస

పురస్కార స్వీకారం

గురుతర బాధ్యత..!

#రాఖీ రవ్వలు

పద పటాటోపం

రూప ఆర్భాటం

కాదు కవనం..

అది ఎద భావ చిత్రణ..!

#రాఖీ రవ్వలు

వాన పడ్తుంది

ఎండకొడ్తుంది

చలి పెడ్తుంది

ఎంత మంచిదో శీతాకాలం..!

#రాఖీ రవ్వలు

మరణం నాకేనా..

ప్రపంచానికీ..

నాకు సంబంధించి

ఆత్మకు చావులేదు..!

#రాఖీ రవ్వలు

మనిషి ప్రాణం

ఎంత హీనం

రెండుపళ్ళ కొలమానం.,

రివాజే ప్రభుత మౌనం..!

#రాఖీ రవ్వలు

రవివెలుగు రవ్వలు

కవిగుండె గువ్వలు

సవ్వడుల మువ్వలు

సాహితీ సూటితొవ్వలు.,రవ్వలు..!

#రాఖీ రవ్వలు

రెక్కలతో ఎగిరితే

మబ్బులదాకే

ఊహకు ఊతమెందుకు,

గగనాలనధిగమించు..!

#రాఖీ రవ్వలు

మానవత్వం కరడుగడితే

రక్తదాహం ప్రబలితే

మూర్ఖత్వం పెట్రేగితే

ఉగ్రవాద నరమేధం..!

#రాఖీరవ్వలు